ОПШТИ ИНФОРМАЦИИ

Фестивалот МАКФЕСТ 2018 ќе се одржи вo првата половина на месец октомври 2018  година во Штип, Р. Македонија и ќе презентира вкупно 28 нови забавни мелодии. Во 3-те дена колку што е предвидено да трае фестивалот, ќе се одржат 2 полуфинални вечери, секоја со по 14 композиции и една финална вечер со вкупно 18 композиции, односно по 9 композиции од секоја полуфинална вечер кои ќе бидат избрани по пат на гласање. Предвиден е директен телевизиски пренос на трите фестивалски вечери.

Општина Штип во својство на организатор заедно со Министерството за Култура на РМ во својство на покровител, на крајот на натпреварувачката вечер ќе се доделат седум парични награди, односно:

• 1-ва награда во износ од 5000 евра, во денарска противредност која ќе биде доделена според вкупниот број на освоени гласови;
• 2-ра награда во износ од 3.000 евра, во денарска противредност која ќе биде доделена според вкупниот број на освоени гласови;
• 3-та награда во износ од 1.000 евра, во денарска противредност која ќе биде доделена според вкупниот број на освоени гласови;
• Награда за најдобра вокална изведба во износ од 500 евра во денарска противредност која ќе му се додели на најдобриот изведувач согласно одлука донесена од страна на стручна комисија;
• Награда “ДРАГАН ЃАКОНОВСКИ – ШПАТО” за најдобар аранжман во износ од 500 евра во денарска противредност која ќе му се додели на најдобриот аранжер согласно одлука донесена од страна на стручна комисија;
• Награда за најдобар дебитант во износ од 500 евра во денарска противредност која ќе му биде доделена на најдобриот интерпретатор согласно одлука донесена од страна на стручна комисија;
• Награда за најдобар сценски настап во износ од 500 евра во денарска противредност која ќе му биде доделена на најдобриот интерпретатор согласно одлука донесена од страна на стручна комисија;

УСЛОВИ ЗА УЧЕСТВО НА КОНКУРСОТ

• На Конкурсот може да учествуваат сите заинтересирани домашни и странски автори и изведувачи кои ги поседуваат потребните квалификации и кои сакаат да се истакнат со својот квалитет, способност и креативност.
• Еден изведувач или музичка група може да учествува на Фестивалот најмногу со една композиција.
• Еден автор на музика или текст може да учествува на Фестивалот најмногу со две авторски дела.
• Еден автор на аранжман може да учествува на Фестивалот најмногу со три авторски аранжмани.

Материјалите на Конкурсот задолжително треба да се пратат под шифра.

• Организаторот нема обврска да им ги врати материјалите на авторите и изведувачите од композициите кои нема да бидат прифатени на Конкурсот.
• Учесниците на Конкурсот на кои ќе им бидат избрани композициите ќе бидат информирани за исходот најдоцна до 25 април 2018. Организаторот презема обврска најдоцна до наведениот датум да го истакне списокот со имињата на сите примени композиции на интернет страната mk. Организаторот нема обрска поединечно да ги информира оние автори чии композиции нема да бидат примени на Конкурсот.
• Организаторот со авторите и изведувачите чии дела ќе бидат избрани на Конкурсот, ќе склучи договор и ќе им исплати надомест во износ од 700 евра, односно нето 43.000 денари. Со склучување на договорот, авторите и изведувачите имаат обврска на организаторот да му ги пренесат правата за прво јавно изведување, за радиодифузно емитување, за тонско и видео снимање, умножување и продажба на носачи на слика и звук, објавување на тонските и видео записите на интернт и друго, како и право организаторот некои од овие права да ги пренесува на трети лица.
• Организаторот ќе стане сопственик на фонограмот што ќе биде снимен.
• Постпродукцијата на сите примени композиции ја реализира организаторот.
• Изборот на композициите што ќе бидат премиерно изведени на Фестивалот на забавни мелодии Макфест Штип – 2018 ќе биде направен од страна на селекциона комисија.

 УСЛОВИ ЗА ИЗГОТВУВАЊЕ КОМПОЗИЦИЈА

Авторите се должни да достават оригинални композиции со испишана мелодиска линија и хармонски симболи во духот на македонскиот евергрин – шлагер со широки распеани медитерански рефрени, во духот на новосоздадената забавна македонска песна.  Композицијата треба да биде оригинална и досега неизведена.Композициите доставени на Конкурсот не треба да се подолги од 3’.30”. Текстот на композицијата треба да биде на македонски јазик.

На Конкурсот нема да бидат земени на разгледување оние композиции во кои се промовира говор на омраза, расна или верска нетолеранција, во кои се кршат човековите права или се заговара употреба на недозволени средства;

УПАТСТВО ЗА ИСПРАЌАЊЕ НА МАТЕРИЈАЛИТЕ НА КОНКУРСОТ

Конкурсниот труд треба да биде доставен во затворен плик на кој од предната страна ќе биде испишан следниот текст:

ДО ОПШТИНА ШТИП

УЛ. „ВАСИЛ ГЛАВИНОВ“ 4В

2000 ШТИП, Р. МАКЕДОНИЈА

ЗА ФЕСТИВАЛОТ НА ЗАБАВНИ МЕЛОДИИ МАКФЕСТ 2018

- КОНКУРС

Конкурсниот труд треба да ги содржи следните материјали:

1. Композицијата треба да се достави со испишана мелодиска линија отпечатена на А4 формат;
2. Текстот за песната треба да се достави испишан со кирилско писмо и отпечатен во еден примерок на А4 формат;
3. Демо снимката од композицијата треба да биде снимена на АУДИО ЦД и треба да се достави во два идентични примерока.

ВАЖНО ПРАВИЛО:

На погоре наведените материјали треба да стои само насловот на песната. На ниту еден од нив НЕ СМЕЕ да бидат наведени имињата на авторите или изведувачите. Материјалите на кои ќе биде забележано отстапување од наведеното правило, нема да бидат земени на разгледување.

4. Податоците за авторите и изведувачите задолжително треба да бидат доставени во посебен затворен бел плик во стандардна димензија. Ковертот од предната страна треба да има назнака: ПОДАТОЦИ ЗА АВТОРИТЕ – НЕ ОТВОРАЈ! Веднаш под назнаката треба да се наведат: шифрата и насловот на композицијата. Пример:

ПОДАТОЦИ ЗА АВТОРИТЕ – НЕ ОТВОРАЈ!

ШИФРА: МАКФЕСТ 2018

НАСЛОВ НА КОМПОЗИЦИЈАТА: ЉУБОВ

Податоците за секој автор поединечно треба да се отпечатени на посебен лист и треба да ги содржат следните информации:

• Име и презиме на авторот;
• Вид на дело/дела кое го има изготвено авторот (музика, текст или аранжман);
• Наслов на композицијата;
• Адреса;
• Мобилен телефон;
• Емаил;
• Предлог од страна на авторот за изведувач на композицијата (конечната одлука ја донесува организаторот).

Податоците за секој изведувач поединечно треба да се отпечатени на посебен лист и треба да ги содржат следните информации:

• Име и презиме на изведувачот;
• Наслов на композицијата;
• Адреса;
• Мобилен телефон;
• Емаил;

Податоците за музичка група треба да се отпечатени на еден лист и треба да ги содржат следните информации:

• Име на групата;
• Имиња на сите членови од групата;
• Овластен претставник на групата;
• Наслов на композицијата;
• Адреса од овластениот претставник;
• Мобилен телефон од овластениот претставник;
• Емаил од овластениот претставник;

5. Секој автор на музика, текст и аранжман е должен да достави нотарски заверен документ, во кој ќе биде содржано:

• Изјава дека композицијата е лично авторско дело кое претходно не било изведувано;
• Изјава за согласност за процентуална распределба на паричните средства од надоместот;
• Изјава за согласност за процентуална распределба на паричните средства во случај на евентуално освоена награда 1-во, 2-ро или 3-то место;

Изјавите од авторите задолжително треба да бидат доставени во посебен затворен бел плик во стандардна димензија. Ковертот од предната страна треба да има назнака: ИЗЈАВИ ОД АВТОРИТЕ – НЕ ОТВОРАЈ! Веднаш под назнаката треба да се наведат: шифрата и насловот на композицијата. Пример:

ИЗЈАВИ ОД АВТОРИТЕ – НЕ ОТВОРАЈ!

ШИФРА: МАКФЕСТ 2018

НАСЛОВ НА КОМПОЗИЦИЈАТА: ЉУБОВ

НАПОМЕНА:

Материјалите кај кои ќе бидат забележани недостатоци или неуредна достава, нема да бидат земени на разгледување.

 РОК ЗА УЧЕСТВО НА КОНКУРСОТ

Последен рок за учество на конкурсот е 25. април 2018 година. Во предвид ќе бидат земени материјалите кои ќе бидат испратени по пошта најдоцна последниот ден од Конкурсот и ќе содржат валиден поштенски жиг, како и материјалите кои најдоцна последниот ден од конкурсот ќе бидат уредно заверени во архивата на Општина Штип до крајот на работното време.

МАКФЕСТ 2018

Организатор:

ОПШТИНА ШТИП

МАКФЕСТ НАГРАДИ

Најдобр стајлинг – Мартина Иванова

Најдобар сценски настап: “Само Тони и две жени“

Најдобар дебитант – The Chiks

Најдобра интерпретација – Ѓунеш Абазова –Белорусија

Најдобар аранжман –Staffan Stavert   за композицијата The land of my song  во изведба  SONJA BISHOP

Трета награда од публиката :“Погледни ме “ на авторите Кире Костов музика и аранжман и на  Миодраг Врчаковски -текст во изведба на Антонија Гиговска

Втора награда од публиката:“Дождови“ на авторите Магдалена Божиновска Стојанова музика-аранжман, и Елизабета Кралевска текст , во изведба на Мартинијан Кириловски

Прва награда од публика:Од “Утро до вечер“ што ја отпеаја Зоран Илиев и Анабела.Автори се Стојанче Аврамов, музика-текст, аранжман Зоран Алексиќ.

Еве го редоследот за 32-то финале на Фестивалот на забавни мелодии Макфест

Публиката во салата на Домот на културата “Ацо Шопов“, како и граѓаните по пат на телевоутинг го кажаа својот збор за композициите и изведувачите од втората фестивалска вечер на Макфест 2017

По пребројувањето на гласовите од публиката и телевоутингот, по принципот евровизиски бод систем, е направена конечната листа на композиции кои се пласираа во финалето, а кои отпаднаа.

Во финалето се пласираа првите 9 композиции

Организаторот одлучи оваа година повторно да гласа публиката во сала.Во Фоајето на Домот на културата “Ацо Шопов“ се поставени кутии со ликовите на изведувачите. И секој гледач ја уфрла влезницата во кутијата на песната фаворит или изведувачот (изведувачката) што му се допаднал-а најмногу.Една влезница, еден глас. Телевоутингот кој се реализра со помош на компанијата “Видекс“ од Скопје ќе се одвива преку единствениот број  141 730, со тоа што тој сака да гласа го впишува редниот број на изведувачот. Цената на телевоутингот е 10 денари плус ддв.Се гласа по принципот, една СМС-картичка, еден глас за одредена композиција.Се разбира може да се гласа повеќепати за различни композиции.

Со кревањето на фестивалското знаме, денеска започнува 32-то издание на  единствениот фестивал на забавна музика “Макфест“.За прв пат ќе бидат отпеани 30 композиции, од македонски и автори и изведувачи од странство.Две полуфинални вечери и едно финале.А до финале и за финале ќе одлучуваат гласовите од телевоутингот, но и гласовите на публиката во сала.Организаторите по неколкугодишните експерименти со системот за гласање, одлуката и одговорноста за пласманот до финале, но и за наградите ја препуштаа на публиката покрај ТВ екраните и на публиката во сала.Наградите за орвите три позиции од публиката се 5.000, 4.000 и 3.000 евра.

Градоначалникот на  Штип Илчо Захариев  одлучи паричниот фонд за награди за годинашниов „Макфест 2017“ да биде повисок од оној кој со анекс им го понудило Министерството за култура. Ова денеска го соопштија претставниците на организацискиот одбор на Фестивалот за забавна музика „Макфест“.

– Градоначалникот на Штипдонесе одлука паричниот фонд да биде на средина, значи ниту по предлог на Министерството, ниту по претходниот преддоговор. Првата награда е во вредност од 5.000 евра, втората 4.000, а третата од 3.000 евра. Останатите награди како што се дебитант или сценски настап остануват во вредност од 500 евра, информира Драган Ристов од прес-центарот на фестивалот „Макфест“.

Според техничкиот директор Кирил Панајотов, општината има средства за исплата на наградите.

– Согласно годишната програма за култура која ја усвои Советот на општината, за „Макфест“ годинава се предвидени четири милиони денари. Со тие пари можат да се покријат наградите со цел да бидеме коректни кон авторите и изведувачите кои на јавниот конкурс се пријавија под познатите услови, истакна Панајотов.

Според него, со објавувањето на новиот конкурс за проекти од национален интерес на Министерството за култура за идната година ќе се знаат новите услови за, како што рече, да не се случува измена на одлуки на само една недела пред фестивалот.

Од денеска почнува поставувањето ата во Домот на културата и оперативно почнува реализацијата на „Макфест 2017“