Category: Новости

МАКФЕСТ 2017- 32 ИЗДАНИЕ

 

Со кревањето на фестивалското знаме, денеска започнува 32-то издание на  единствениот фестивал на забавна музика “Макфест“.За прв пат ќе бидат отпеани 30 композиции, од македонски и автори и изведувачи од странство.Две полуфинални вечери и едно финале.А до финале и за финале ќе одлучуваат гласовите од телевоутингот, но и гласовите на публиката во сала.Организаторите по неколкугодишните експерименти со системот за гласање, одлуката и одговорноста за пласманот до финале, но и за наградите ја препуштаа на публиката покрај ТВ екраните и на публиката во сала.Наградите за орвите три позиции од публиката се 5.000, 4.000 и 3.000 евра.

МАКФЕСТ 2017 – ВРЕМЕ НА АКТИВНОСТИ

agenda makfest

Сепак,зголемен паричниот износ за наградите на Макфест 2017

MAKFEST RESENIE POTENKOГрадоначалникот на  Штип Илчо Захариев  одлучи паричниот фонд за награди за годинашниов „Макфест 2017“ да биде повисок од оној кој со анекс им го понудило Министерството за култура. Ова денеска го соопштија претставниците на организацискиот одбор на Фестивалот за забавна музика „Макфест“.

– Градоначалникот на Штипдонесе одлука паричниот фонд да биде на средина, значи ниту по предлог на Министерството, ниту по претходниот преддоговор. Првата награда е во вредност од 5.000 евра, втората 4.000, а третата од 3.000 евра. Останатите награди како што се дебитант или сценски настап остануват во вредност од 500 евра, информира Драган Ристов од прес-центарот на фестивалот „Макфест“.

Според техничкиот директор Кирил Панајотов, општината има средства за исплата на наградите.

– Согласно годишната програма за култура која ја усвои Советот на општината, за „Макфест“ годинава се предвидени четири милиони денари. Со тие пари можат да се покријат наградите со цел да бидеме коректни кон авторите и изведувачите кои на јавниот конкурс се пријавија под познатите услови, истакна Панајотов.

Според него, со објавувањето на новиот конкурс за проекти од национален интерес на Министерството за култура за идната година ќе се знаат новите услови за, како што рече, да не се случува измена на одлуки на само една недела пред фестивалот.

Од денеска почнува поставувањето ата во Домот на културата и оперативно почнува реализацијата на „Макфест 2017“

Шоу на Александра Јанева

Годинава единственото шоу на Макфест, ќе го има победничката на Макфест Александра Јанева. Таа својот наста ќе го има на финалето (07.10.2017) за време додека се гласа и одлучува 32-от победник на Макфест.

ПРВА ФЕСТИВАЛСКА ВЕЧЕР 05.10.2017

MAKFEST PRVA VECER REDOSLED

ВТОРА ФЕСТИВАЛСКА ВЕЧЕР 06.10.2017

MAKFEST VTORA VECER RASPORED

СООПШТЕНИЕ

MAKFEST RESENIE POTENKO                                                             

                                            Соопштение од Општина Штип во врска со намалувањето

                                                                на фондот за награди на „Макфест 2017“

 

Општина Штип не е изненадена од скандалозаната одлука на Минитерството за Култура кое го намали фондот за награди на Макфест. Такво нешто преживеја пред некоја недела и организаторите на фолк фест Валандово.

Она што е најважно е што Министерството за Култура го погази сопствениот преддоговор кој го имаше со Општина Штип во кој се согласија да ги обезбедат средствата за наградниот фонд во висина од 10.000 евра за прва, 7500 евра за втора и 5000 евра за трета награда, како и останатите награди. Со анексот кој го нуди на потпис, новото раководство на Министерството за Култура се обидува да го поништо преддоговорот со кој веќе има утврдени обврски.

Општина Штип не навлегува во темата дали висината на наградите е преголема или премала. Таква одлука донело Министерството за Култура и ние ја почитувавме, исто како што се надевавме дека новото раководство ќе го испочитува преддговорот кој го имаме на хартија. Не сакаме да навлегуваме во мотивите за ваквата одлука а најмногу да внесуваме политика, бидејќи тоа може само да му наштети на фестивалот кој постои 32 години и кој Општина Штип веќе осум години го организира, преземајќи го во услови кога беше во опасност и неговото понатамошно постоење.

Имајќи во предвид дека наградите се намалени на 1500, 1000 и 750 евра, од идната година Општина Штип нема да има потреба од поддршка на Министерството за Култура и фестивалот повторно ќе си го организираме сами, бидејќи дали сами или со донатори и спонзори, сметаме дека можеме да обезбедиме средства за понудениот фонд за награди. Благодариме за досегашната поддршка а ние идната година ќе се обидеме да најдеме повеќе средства за наградниот фонд, со цел мотивирање на авторите и изведувачите за настап на фестивалот Макфест. Впрочем, изведувачите и авторите се најмногу погодени од ваквата одлука за намалување на фондот на награди.

Тие најмалку се виновни за ситуацијата, бидејќи се пријавија на јавен конкурс во кој висината на наградите беше претходно утврдена во договор со Министерството за Култура а сега се соочуваат да настапат под нови услови. До оддржување на фестивалот, локалната самоуправа ќе донесе одлука за фондот на награди и изведувачите и јавноста ќе бидат навреме известени.

 

Градоначалник

на Општината Штип

прим.м-р. Илчо Захариев

 

Акредитации

Почитувани,

Ве известувамe дека до 30 септември 2017 година, очекувам да доставете имиња на редакција со новинари, фоторепортери и сниматели за акредитација на „Макфест 2017“. Вашите податоци испратете ги на е-маил: dragan.ristov@gmail.com

Поздрав

Се гледаме на „МАКФЕСТ 2017“ !

received_1953191631361840

За 27-ми септември Press и извлекување на редоследот за настап

Фестивалот на забавни мелодии “Макфест“ годинава ќе се одржи од 5 до 7-ми октомври.Во две полуфинални вечери ќе бидат изведени 29 композиции.Концептот е малку домашно , малку странско. Ќе настапат изведувачи од Бугарија, Азербејџан, Белорусија, Финска, Шведска и Таџикистан.Првата прес конференција кога ќе биде одреден редоследот за настап е закажана за 27-ми септември  во Порта Македонија.

MAKFEST RESENIE 2

МАКФЕСТ 2017 – ПРВА ФЕСТИВАЛСКА ВЕЧЕР

Напоменуваме дека ова не е редослед за настап

Prva festivalska vecer - Makfest 2017