Category: Новости

Јавен конкурс за избор на директор на Фестивалот на забавни мелодии „Макфест 2020“ – Штип

Општина Штип, во својство на организатор на

„Фестивалот на забавни мелодии „Макфест 2020“ – Штип, распишува:

ЈАВЕН КОНКУРС

 за избор на директор на

Фестивалот на забавни мелодии „Макфест“ Штип

за позицијата:

 Уметнички директор – 1 извршител

Покрај општите услови утврдени со Закон, кандидатот треба да ги исполнува и следните посебни услови:

  1. Да има соодветно високо образование – факултет/академија за музичка уметност- (ВИИ/1, степен или 180 ЕКТС);
  2. Да има над пет (5) години работно искуство во дејноста за која конкурира;
  3. Да има менаџерски способности;

Кандидатот за избор на директор на Фестивалот задолжително треба да достави: своја детална Програма за работа и свои видувања за развој на Фестивалот во делот на неговата продукција, како стратегија за наредниот двегодишен период (2020-2021), како и следните документи (оригинал или заверен препис кај нотар):

– пријава со кратка биографија;

– мотивациско писмо;

– доказ за завршено високо образование;

– доказ за работно искуство;

– уверение за забрана за вршење професија, дејност или должност (не постаро од шест месеци);

Конкурсот трае 10 дена, сметано од денот на објавувањето.

Пријавите со Програмата и другата документација треба да се достават до Општина Штип  преку пошта на адреса: ул.„Васил Главинов” бр. 4 В – 2000 Штип, или директно во Архивата на Општина Штип, (со назнака за Макфест) најдоцна до 15:30 часот, последниот ден од конкурсот.Материјалите доставени на конкурсот не се враќаат.Некомплетните и ненавремено доставени документи нема да се разгледуваат.

За резултатите од конкурсот кандидатите ќе бидат известени по писмен пат.

 

Општина Штип

Бр. 09-212/1

14..01.2020

Мартинијан Кириловски со „Сто пати на ден“ победник на „Макфест 2019“ !

Победник на 34-то издание на Фестивалот на забавни мелодии „Макфест 2019“ е Мартинијан Кириловски, кој ја изведе песната „Сто пати на ден“.

Второто место е за Александар Митевски и Драган Спасов-Дац со песната „Уште ми фалиш“, а трето место е за познатата група „Фрајле“, кои на македонски ја интерпретираа песната „Не и признавај“.

Наградата за најдобра интерпретација отиде кај Росана Сариќ-Тодоровска со песната „Спомени“, наградата за најдобар дебитант ја доби Славица Ангелова со изведбата на песната „Љубовта не боли“. Мартија Станојковиќ која имаше комплетен настап на сцената ја освои наградата за најдобар сценски настап со изведба на песната „Возбуда и љубов“, и наградата за најдобар аранжман отиде во рацете на Иле Спасов за песната „Кој те учи така“.

Во преполната сала на Центарот за култура „Ацо Шопов“ на финалната вечер се слушнаа 20 композиции, додека своја шоу програма имаше Тамара Тодевска. Организатор на „Макфест“ и оваа година беше Општина Штип со финансиска поддршка на Министерството за култура.

 

Резултати финална вечер

1 – во место – Мартинијан Кириловски – 100 на ден

2 – ро место – Александар Митевски и Драган Спасов – Дац – Уште ми фалиш

3 – то место – The Frajle – Не и признавај

 

Награда за најдобар аранжман – Иле Спасев – Кој те учи така

Награда за најдобар сценски настап – Мартија Станојковиќ – Возбуда и љубов

Награда за најдобар дебитант – Славица Ангелова – Љубовта не боли

Награда за најдобра интерпретација – Росана Сариќ – Тодоровска – Спомени

ФИНАЛЕ МАКФЕСТ 2019

ОВА Е РЕДОСЛЕДОТ ЗА НАСТАПОТ И ИЗВЕДБАТА НА КОМПОЗИЦИИТЕ ВО ФИНАЛЕТО НА МАКФЕСТ 2019.

Резултати од втора полуфинална вечер

Министерот за култура ја следеше првата полуфинална вечер на ,,Макфест”

Министерот за култура Хусни Исмаили ја следеше првата полуфинална вечер на ,,Макфест”. Тој ги проследи првите 15 полуфиналисти и ја посети спомен собата на Ацо Шопов.

Фестивалот се заблагодарува на мистерството за поддршката во изминатите години и воедно му благодари на министерот за присуството на првата полуфинална вечер.

Резултати од прва фестивалска вечер

Во подготовка сцената за „Макфест 2019“

На сцената на НУЦК „Ацо Шопов“, во тек е подготовка на изгледот на сцената за „макфест 2019“. Сцената се очекува д абиде готова до утре, по што почнува тестирање на аудио визулената опема.

Во четврток е првата полуфинална вечер, со директен пренос во 20:00 часот на МРТВ.

Програма за фестивалот „Макфест 2019“

Почитувани, исполнители и претставници на медиумите

Ова е програмата за „Макфест 2019“. Ги замолуваме учесниците за присуство на прес конференциите, и да го почитуваат редот и да бидат присутни на генералните проби, за секоја од трите вечери. Во име на организаторот, однапред благодариме на интересот на медиумите за „Макфест 2109“ и се надевам дека и тие ќе бидат дел од прес конференциите кои се оддржуваат пред секоја проба.

Ова е програмата за 34.тото издание на „Макфест“ 2019:

МАКФЕСТ 2019

ПРОГРАМА

10.10.2019 (ЧЕТВРТОК)

 

12.00 – АКРЕДИТАЦИИ ЗА УЧЕСНИЦИ И НОВИНАРИ

Press  центар –Дом на култура “Ацо Шопов“

13.00 – PRESS  КОНФЕРЕНЦИЈА

Press центар –Дом на култура “Ацо Шопов“

13.30 – ГЕНЕРАЛНА ПРОБА ЗА ПРВА ФЕСТИВАЛСКА ВЕЧЕР

20.00 – ПРВА ФЕСТИВАЛСКА ВЕЧЕР

23:00 – Ноќен клуб „Сцена“ – Дружење со учесници на фестивал

 

11.10.2019 (ПЕТОК)

13.00 – PRESS  КОНФЕРЕНЦИЈА

Press центар –Дом на култура “Ацо Шопов“

13.30 – ГЕНЕРАЛНА ПРОБА ЗА ВТОРА ФЕСТИВАЛСКА ВЕЧЕР

20.00 – ВТОРА ФЕСТИВАЛСКА ВЕЧЕР

23:00 – Ноќен клуб „Сцена“ – Дружење со учесници на фестивал

 

12.10.2019 (САБОТА)

13.00 – PRESS  КОНФЕРЕНЦИЈА

Press центар –Дом на култура “Ацо Шопов“

13.30 – ГЕНЕРАЛНА ПРОБА ЗА ФИНАЛЕ НА МАКФЕСТ 2019

20.00 – ФИНАЛЕ НА МАКФЕСТ 2019

22.00 – ШОУ ПРОГРАМА – TАМАРА

22.30 – ПРОГЛАСУВАЊЕ НА ПОБЕДНИЦИТЕ НА МАКФЕСТ 2019

23.00 – КОКТЕЛ ВО ЧЕСТ НА ПОБЕДНИЦИТЕ

Фоаје НУЦК „Ацо Шопов“

 

Официјален редослед за прва и втора полуфинална вечер на ,,Макфест 2019″

Денес се одржа првата прес конференција за Макфест 2019, на која беа соопштени сите детали и новости за овогодинешниот фестивал и беше извлечен официјалниот редослед.

,,Макфест 2019″ ќе се одржи во Штип на 10, 11 и 12-ти октомври во НУЦК ,,Ацо Шопов”, а во продолжение погледнете го редоследот по кој ќе настапуваат изведувачите.